How are you? I hope you're fine!!
Como vos dixen o xoves, hoxe escribo esta entrada para explicarvos como imos facer esta semana coas dúas sesións de BINGO.
Lémbrovos os horarios por grupos:
- 4ºA: martes, 12 de maio ás 10.30h.
- 4ºB: xoves, 141 de maio ás 10.30h.
Imos a xogar ao Bingo por medio de videoconferencia. Podedes empregar un ordenador, tablet ou móbil.
- No caso de que empreguedes ordenador, tedes que ir á seguinte páxina web:
- Se empregades móbil ou tablet, primeiro deberedes descargar a app "Cisco Webex Meetings" e unha vez a teñades, no apartado "Join a meeting" tedes que pegar ese mesmo enlace:
En ningún caso vos tedes que crear unha conta nesta plataforma, só necesitades empregar a información que vos deixo arriba. Pode ser que se accededes por primeira vez vos pida un nome e un email. En "nome" poñedes o voso nome (non fai falta que poñades apelidos) e en "email" poñedes nonresponder@edu.xunta.es.
Recoméndovos que accedades á videoconferencia un par de minutiños antes das 10.30 (cada un no seu día correspondente) para así estar todos listos e empezar o bingo con puntualidade.
Para poder xogar necesitaredes unha folla de papel na que debedes trazar dúas liñas en vertical e dúas en horizontal, para así dividila en 9 recadros. Así:
En cada recadro debedes escribir un número do 1 ao 100 que vós escollades. Poñédeo en número e na súa forma escrita en inglés (ollo ao spelling!), coma neste exemplo:
Debedes ter o voso cartón de bingo listo cos números para as 10.30.
Lembrade como facemos na clase: iranse dicindo os números que saen en voz alta. Se dicimos un que vós teñades, tédelo que tachar. Se sodes os primeiros en ter unha liña horizontal coas súas tres casillas tachadas, tedes que dicir en voz alta: line! O primeiro que tache os nove números ten que dicir: BINGO! e gaña o xogo se ten esos nove números ben escritos en inglés.
Isto é todo, se tedes algunha dúbida, dicídemo.
Espero ao primeiro grupo (4ºA) mañá ás 10.30h. Mentres, os de 4ºB ide ao blogue coma sempre onde atoparedes o traballo para facer mañá. O xoves espérovos a vós, os de 4ºB, e os de 4ºA atoparedes no blogue o traballo para facer ese día.
See you tomorrow!😊
Tamara
No comments:
Post a Comment